Dienstag, Oktober 17, 2006

Schauschpielschual

I hätti nid im Traum dra denkt, dasi das Johr no, d Schauschpielschual afang. Am 23.10.2006 gots los! Fasziniart fum Schauschpiel bini immer scho gsi und so hani denkt, gosch mol and Ufnahmeprüafig. Döt hani as Rollaschpil müassa schpila woni selber gschriba kha han, zuadem hemer müassa so anart Vortanza und au öpis Vorlesa. Wosi miar denn gsait hend dasi ufgno bin, bin i selber recht überascht gsi, i hätti nia mit dem grechnet. Aswia han mi sehr gfröit, aber i han döt scho gwüsst dases finanziell sehr schwirig wird. Do das scho mini 3. Usbildig isch und i kai Schtipendia fum Kanton kriaga muasi z ganza Schtudium selber finanziara. As isch a Privatschual - EFAS, wo nid grad güschtig isch :) Sötti öpert an Job für mi gat ha, schnellschtmöglich melda! I kann fum Zischtig bis Fritig jewils fum 14:00 bis am Obed schaffa, aber natürlich nur in Zürich do dia Schual döt dahai isch. In 10 vor 10 fum 11.10.2006 isch übrigens a Bricht kho fu miner Schauschpilschual. http://www.sf.tv/var/videoplayer.php?videourl=http%3A%2F%2Freal.xobix.ch%2Framgen%2Fsfdrs%2F10vor10%2F2006%2F10vor10_11102006.rm%3Fstart%3D0%3A19%3A50.243%26amp%3Bend%3D0%3A25%3A18.561

I wird witer schriba zum öi ufem laufenda z halta.
Reto Bass