Dienstag, Februar 14, 2006

Fiji
























Fiji, das toent doch scho guat, isches au! So tuerkisblaus Meer hani bis etz no nia gseh. Am Samschtig akho in Fiji, simer zu uesem Hotel gfahra worda ufem Hauptland. Am noegschta Morga hani oepa uf baida Fuess 10 Muckaschtich kha! :[ Denn hends ues zum Hafa gfahra und z Abentuer het koenna afanga. Miar hend so an Bulapass kha, mit dem het ma jeda Tag koenna das Schiff ne und uf a anderi Insla go. Das hend miar denn au gmacht, zersch simer uf dia ganz oberscht Insla. D Hygiena isch halt scho nid ganz zglicha gsi wia susch, so z WC, Duschi, aber ma gwoeht sich jo an alles. Luet hets fur ganza Welt kha, aber Hauptsaechlich fu Auschtralia, Amerika Neuseeland oder England, miar sind dia ainziga Schwiizer gsi :] Am noegschta Tag simer go schnorchla ganga bir Blue Lagoon, as git sogar an Film wo so haisst wo doet dreet worda isch. As het doet wunderschoeni Koralla und bunti Fisch. So simer jeda Tag uf a anderi Insla und immer wemer akho sind, hend dia Ihaimischa ues mit Ukulele, Gitarra und Gesang begruesst. Sus hemer aifach grelaxt, sind go schnorchla oder hend mit anderna Luet abits gschwaetzt. 10 Taeg het forig glanget, denn das raisa jeda Tag uf a anderi Insla het scho recht mued gmacht! Jetzt bini wider in Brisbane und fluega am Donschtig uf Cairns. Ma khoert... Reto