Sonntag, November 06, 2005

In Brisbane

Nachma langa Flug bini entlich in Brisbane. Dr Flug isch echt schoen gsi, i glaub well dr Flug so lang gsi isch han mi au langsam dra gwoehnt. Zuadem hani scho im Flugzueg dia erschta Schwizer troffa han fiil koenna schwaetza und so isch alles zimli schnell ganga. In Brisbane denn akho het mi aina zu miner Gaschtfamilia brocht und i bin wuerklich herzlich empfanga worda. Leba binra 46 Joeriga allaierziahenda Muatter mit ma 4 joeriga Toechterli. Huet Morga het mr zToechterli, Chloe-Belle haisst si uebrigens scho ires Zimmer muessa zaiga und han as bits mitra gschwaetzt was i halt bis etz so englisch kann. Isch echt a suessi. Zuadem wohnt no an Japaner im glicha Huus. Foetali koemmend schpoeter. Hocka do etz im Intercafe zmitzt in Brisbane. d Schtadt isch meega schoen. Fuer oeper wo gera got go shopa isches zParadies. Uebrigens wenn oepert waiss wo d oe- ue- puenkli uf dr auschtralischa Taschtatur sind bitte schriba :] Bis schpoeter...